مصرى وافتخر

مش هاتكلم فى القضية هيه هيه انى مصرى
مش هاصرخ واقول ياعالم عاملونى بشكل عصرى
ولا اتكتب عليا اتعامل فى كل مكان بشكل حصرى
بس وقت الشده تقولوا يا مصرى تعال خد بنصرى
ولا نسيتوا دورنا ايه اسالو التاريخ ويسرى
( مين يسرى ده ؟ مش مهم ده واحد صاحبى)

مصرى وافخر انى مصرى ولو بقينا ميت مليون
مصرى واقولها بعلو الصوت ولو قولتوا عليا مجنون
مهما عض الفقر فينا كرمتا فوق كل الكون
مش بايدنا دى حكومتنا وصلتنا للجنون
شعب اصيل شعب طيب شعب عاشق للفنون

طيب هاحكى الحكاية وخليكوا معايا وقبل ماتقروا المقال
اذا كنت مصرى او عربى او من اى جنسية مش مهم اناعايزك تنظر للموضوع بكل حيادية
لانى مش عنصرى ولا بشجع صناعة بلدى وخلاص , لا ابدا واحنا بننظر لعيوبنا ونعترف بيها
علشان نصلحها ونرجع لسابق عهدنا وعادتنا , لكن فى نفس الوقت احنا عارفين قدرنا كويس قوى
وعارفين احنا ايه ومن غير غرور ولا نرجسية ولا حب الانا بس لازم نعرف قدرنا كويس لان
لو حسيت انك يا مصرى رخيص هتفضل طول عمرك رخيص

طيب علشان نفهم اكتر نسمع الحكاية

كان يامكان فى سالف العصر والاوان زمااااان فى بلد اسمها لبنان فى العام 2010 بس للاسف بعد الميلاد
حيث لا حاكم ولا محكوم ولاقاضى ولا قضاء , فى عصر القبائل بل اسواء فالقبائل لها قوانين عرفية تحترم حتى فى
الاخذ بالثأر او فى الحرب يتم بشكل منظم .

واعذرونى مش هاقدر اتكلم على القبائل كتير لان مصر معرفتش العهد ده,لان من الاف السنين واحنا دولة مدنية
فيها حاكم وكاهن وقاضى وشرطى وجيش وشعب يحترم كل ذلك
لكن ماحدث فاق كل الوصف والخيال وكانى اشاهد فيلم 300 سبارتا او فيلم محرر العبيد

ببساطة
شاب مصرى سافر لبنان للعمل عادى جدا ويعتبر انه فى بلد شقيق كما يقال , وخصوصا ان له اخ غير شقيق من والدة
يعيش فى لبنان وهو من دعاه للعمل هناك مفيش اى مشكلة
حب يستقر ويتجوز من فتاه لبنانية , واتقدم لها ورفضت حقها او اهلها رفضوا مفيش اي مشكلة الجواز قسمة ونصيب
صاحبنا عمل فيها مجنون ليلى ولازم يتجوز البنت , واترفض تانى
المهم اخطاء الشاب خطاء جسيم جدا وعظيم واغواه الشيطان فى لحظة ضعف وذهب للشجار مع اهلها , لا نعرف
ما حدث المهم ارتكب جريمة يعاقب عليها القانون المصرى وكل قوانين العالم طبقا للمحاكمات العادلة او بعد الاخذ بكل
الظروف المواتية والغير مواتية للحادث بالاعدام حيث انه قتل اربع اشخاص
فعلا هذا الشاب يستحق الاعدام لانه ارتكب جريمة القتل, اخطاء ويعاقب
من قتل يقتل فعلا انا اعترف بذلك فى اى دولة عصرية
لكن ما حدث فى بلد نانسى عجرم الرقيقة بتاعت ( اللى بيسمع كلمة امه شو بنقوله شاطر شاطر
فى بلد هيفاء وهبى الفحيته بتاعت ( بوس الواو ليك الواو حيك الواوا صح
وغيرهم وغيرهم من الذين نالوا الشهرة على قفا مصر
ما حدث بعد القبض على الشاب بكل سهولة لانه لم يهرب او تسليمة لنفسة واعترافة بالجريمة لا نعلم الحقيقة
امرته الشرطه اللبنانية الجميلة اللى فالحة تطلع بس فى اغنية نوال الزغبى الشهيرة انه يذهب لمكان الجريمة
ليمثل الجريمة كما هو معمول به فى مثل هذه القضايا , وبعتوا معاه حراسة مشددة مكونه من اثنين عساكر واحد
شبيه بنانسى والثانى شبيه بهيفاء وعربية نص نقل لممارسة الرزيله مع العساكر ملهاش ثلاثنين لازمه ومتعرفش
ده بتواطوء من الشرطه او تقصير فالمهم النتيجة
ان الهمج هجموا على عربية الشرطة فى القرية التى بها اهل المقتولين الذين اصبحوا قتله واخرجوا الشاب من سيارة
الشرطة وضربوه حتى الموت بالعاصيان والشوم والسكاكين المهم قتلوا
خلاص تنتهى القصة اخذتم بالثأر انتهى الموضوع
لا , اخذوا يمثلوا بجثته دون رحمه ولا شفقة ويسحلوها على الارض ويعلقوها مثل الذبيحة فى عمود نور بعد ان خلعو
كل ملابسة ماعدا الداخلية حتى تشفى منه كل اهل القرية وقاموا بتصويرة على تلبفوناتهم وعلى مدى ساعة كاملة من
الضرب والتعذيب حتى انتهو ثم سلموها لنانسى وهيفاء اقصد الشرطيين

دى الحكاية بكل بساطة
اقول لكم الحقيقة عارفين ده حصل ليه مش لانه قاتل ولا مجرم اكيد فى لبنان ومصر وامريكا جرائم ابشع من كده ولسه
من قريب قاتل لبنانى او سورى كان هو وعائلته بيهربوا اثار او تجار مخدرات وكان متجوز من مصرية فى مصر
وقتلها وقطعها عشرين قطعة ورمها فى الزبالة والشرطة المصربة بتاعتنا اللى احنا بلوم عليها لارتكبها اخطاء كثيرة
فى حق الابرياء لكن الواحد يقول الل ليه واللى عليه قبضت على الولد وضعتة فى حراسة مشددة حتى نا ل محاكمة العادلة
التى يستحقها
لكن ما حدث للشاب المصرى حدث له لانه مصرى
زى الاثنين الاطباء الذين جلدوا فى السعودية برضه لانهم مصريين
لو كان الشاب ده امريكى اوحتى اسرائيلى هل كان سيحدث ذلك هل ستتركه الشرطة يعذب لمده ساعة
ده كانت امريكا عملت فى لبنان زى ما بيتعمل فى هيفاء بالليل ( مش عايزين نخوض فى اعراض الناس)
هل فى بلد العدالة السعودية لو كان الاطباء دول امريكان كانو اتجلدوا
شوفوا اسرائيل الدولة اليهودية بتعمل ايه علشان جندى اسير حتى لو دى علشان السياسه او الدعايه المهم النتيجة

انا عايز انتقل بكم للجزء الاهم من القضية
هى يا اخوانى العيب مش على لبنان ولا السعودية ولا اى مكان اوبلد تانى العيب على حكومتنا اللى رخصنا فى بلدنا
وبره بلدنا
سواء بفعل مباشر او غير مباشر
مباشر:
برد الفعل الذى تاخذ وزارة الخارجية ممثلة فى سفراءها والذى يكون فى الغالب رد فعل هزيل وضعيف و
ملوش اى لازمة بل بالعكس احيانا يزيد الطين بله
مثال فى قصيتنا هذه شوفو القنصل المصرى قال ايه فى احد البرامج التوك شو حتى مش عارف يضحك علينا بكلمتين
يهدونا كان بيقول : نحن يعنى فعلا ماحدث امر فظيع وشىء مرفوض اااه بالطبع ايييييه احنا طلبنا ايوه طلبنا اننننن
يجيلنا تفسير ايون تفسير على ما حدث (انا طبعا مش فاهم هوعايز ايه ؟شكلو كان لسه جاى من عند هيفاء)
رد فعل وزارة الخاجية : برده نشجب وتعترض وعايزين تفسير
والله بقول للفبالى والكان عيد ميلاده من يومين لو كان ده حد من ولادك وهو فعلا حد من ولادك كنت عملت ايه
انا لو مكانك ده حتى لو اجرم وحد من رعيتى لكنت على الاقل تقول كلمتين تحسسنا انا فى بلد محترمه واننا فعلا
ولاد مصر حتى لو كنا غلطنا لكن رخصتونا جو مصر وبره مصر
غير مباشر:
بافعال الحكومة المستفذة والتى ياخذها الاعداء فى الدعاية السيئة لمصر وللمصريين وينشروها فى وسائل الاعلام
مثلا رد فعل الحكومة فى قضية غزة والجدار العازل والانفاق والدور الذى لا نقوم به فى اى شيء والجنود المصريين
الذين يقتلوا كل فترة على يد قناصة اسرائليين على الحدود رغم ان العالم العربى كله يعلم مدى حب المصريين ودفاعهم عن
هذة القضايا
فين ايام جمال عبد الناصر والسادات
والله ماكان حد يقدر يعمل كده سواء لحبهم للمصريين او حتى لخوفهم من رد الفعل
لكن نحن الان نعيش ازهى عصور الذل بكل اشكاله
هقول ايه كنت اتمنى وزى ماهيعلق بعضكم ويقول دى حادثة فردية والاطباء فى السعودية وحادثة الجزائر والمصريين فى الكويت
كل دى حوادث فردية
اه انا عارف ان ممكن ده يحصل مع جنسيات اخرى لكن مع احترامى احنا ليه ننظر للاسواء والجنسيات الاخرى دى
لا عندها حضارتنا ولا مكانتنا ولا تاريخنا

الغلطة غلطتنا والحكومة حكومتنا ولو على الامثلة كتير مش هتكلم على اوربا لانهم عدونا بمراحل
مثلا يا حكومتنا يا عزيزة شوفو لبيا فى حادث لوكربى دفعت ملايين علشان تحضر المتهمين لبلدها ويحاكموا على ارضها
واحنا بندفع ملايين للناصبين اللى بيسرقوا البلد ويهربوا ونعاملهم احسن معاملة ونقول اصل دول مستثمرين عرب او سياح

احنا لو بنحترم حد فى بلدنا مش علشان هو سايح ولا بيجب لنا دخل لاننا بجد شعب ودود بجد وبيحب الناس اى كانت جنسيتهام
شعب و نكرم الضيف ونعرف الاصول حتى لو ده مش ظاهر قوى اليومين دول بسبب الظروف والاوضاع السيئة
لكنه موجود وملموس
وفى بلدنما الغالية عمر ماحاجة زى دى تحصل ابدنا ولا هاتحصل ولا حتى نقدر ناخد بالثأر بهذ الشكل ومع كل شى
نحترم القضاء ولو كان ظالم والشرطة ولو كانت جائرة والحكومة وان كنا نكرهها الحاكم وان كان ظالم
نحترم المدنية والمدنين والخلق والاخلاق الحكم والقضاء

العيب علينا وفينا ولا دى غلطه مين
اشجع مافينا جبان وكلنا ضايعين


ايمن

شكرا

تسلم اخى

ام الدنيا

مشكرو اخي

شكرا على مروركم

أخي المهندس......


حقيقي..الأمر..سياسي بحث...ولكن ...انتمـ افضل من غيركمـ

لأن لديكمـ أختار...رئساكمـ....وانتمـ من اخترتموة لجلدكمـ

فليس....بعد هذا..ذنب..عليكمـ وانما الله اراد لكمـ ذلك..

لما ...لأن في كل بلد الله يري..اهلها اهمـ اصلحو حالهمـ

فأما ارسل لهمـ من يرحمهمـ امـ ارسل لهمـ من تجبر فيهمـ

واري..اننا كلنا...في هذه الدوامه...

فالله...لا يؤخذنا بما نطق السفهاء منا...

تقديري

اهلا بكى عزيزتى حنين

اسعدنى قراءتك للمقال وتعليقك....